Денеска се одржа аукција на државни хартии од вредност на која Владата ги задолжи граѓаните за нови 40 милиони евра . Со ова задолжување вкупниот долг кој Владата го направи за само првите пет месеци од годината изнесува огромни 388 милиони евра .
Имено, според експертите ваквиот начин на задолжувања кој не е попратен со иста динамика на капитални и инфраструктури проекти е алармантен и опасен. Така реализацијата на капиталните проекти за првите 4 месеци изнесува едвај 10 % што е катастрофално малку со оглед на фактот дека Владата и економскиот тим ветуваше дека 2019 година ќе биде економска година и година на инвестициски и инфрастуктурен бум.
Експертите коментираат дека владата и економскиот тим на големо потфрлиле во делот на реализација на се што го имале ветено како пред изборите така и во програмата и дека економијата воопшто не се движи во добра насока. Експертската јавност смета дека македонската економија значително уназадува и од една од водечките во регионот сега се рангира на дното како на Балканот така и во Европа.
Инаку, Владата пред да дојде на власт беше голем критичар на задолжувањата додека сега додека е во владејачка позиција континуирано ги практикува. Исто така јавниот долг според официјалните податоци ја надмина психолошката граница од 50 % и дека во наредните години уште повеќе ќе се зголемува.