Компанијата „Квалком“ ги обвини „Епл“ за откривање деловна тајна на нивниот конкурент „Интел корп“, со цел „Интел“ да ги усоврши своите чипови за „Епл“ да може да ги замени тие на „Квалком“.
„Квалком“ ги објави овие обвинувања во најновиот поднесок до судот, кој ја дополнува претходната жалба, во која „Квалком“ вели дека „Епл“ прекршил договор за софтверска лиценца, со тоа што им открил тајни детали поврзани со чиповите на оваа компанија на инженери од „Интел“.
„Интел“ не е наведена како странка во овој спор.