Туристите кои уживаат во живописната глетка покрај бреговите на алпските езера Луцерн, Тун или Нешател веројатно би биле изненадени кога би знаеле дека под овие чисти планински водни бисери има складиште со муниција и дека швајцарската влада нуди награда за да се отстрани муницијата.
Со години швајцарската армија ги користела езр како депонии за стара муниција, сметајќи дека тие се погодни места за отстранување на застарените, но опасни резерви на експлозив, пренесува Би-Би-Си.
Се проценува дека има околу 3.300 тони муниција во езерото Луцерн, додека 4.500 тони муниција се депонирани во водите на Нешател, езеро кое швајцарското воздухопловство го користи за воени вежби до 2021 година.
Некои делови од отстранетата муниција се наоѓаат на длабочина од 150 до 220 метри, додека други, како на пр. во езерото Нешател само шест или седум метри под површината.
Награда 50.000 швајцарски франци
Швајцркт Министерство за одбрана сега нуди 50.000 швајцарски франци како парична награда за најдобрата идеја за отстранување на муницијата.
Трите најдобри идеи за безбедно и еколошки решение за отстранување муниција ќе го поделат наградниот фонд, но се очекува спроведувањето на целосната операција за отстранување муниција да чини неколку милијарди франци.
Пензионираниот швајцарски геолог Маркос Бизер, кој ја советуваше швајцарската влада за овој проблем, напишал истражувачки труд пред десет години во кој предупредува на опасноста од фрлање муниција в езерата.
„Муницијата претставува два ризици. Прво: и покрај тоа што муницијата е под вода, сè уште постои ризик од експлозија, бидејќи во многу случаи војската не ги извадила осигурувачите пред да ги депонира експлозивните направи. Тогаш имаме ризик од загадување на водата и почвата. Постои реална шанса високотоксичниот ТНТ да ја загадува езерската вода и седиментите“, предупреди Бизер.
Швајцарската влада признава дека факторите како лошата видливост, магнетизираното железо и тежината на муницијата претставуваат големи предизвици за еколошко отстануањ на опасен товар.
Проценката на можните техники на екстракција од 2005 година покажа дека сите предложени решенија за екстракција на муниција носат сериозни ризици кои можат да ги загрозат чувствителните екосистеми на езерото.
Во 1947 година, во близина на планинскиот град Митолца, експлодирале 3.000 тони муниција, која војската ја чувала во планината.
Во таа несреќа загинале девет лица, едно село било уништено, а експлозијата се слушнала и во Цирих, оддалечен 160 километри.