Акционерите на Тесла ја одобрија платата и другите бенефиции на извршниот директор Илон Маск од 56 милијарди долари како знак на одобрување на неговото раководство и поттик да се задржи неговиот фокус на компанијата, неговиот најголем извор на богатство, во она што може да стане еден од најголемите пакети за компензација досега во аиканската корпоративна историја.
Исто така, акционерите на Тесла го одобрија преместувањето на компанијата од Делавер во Тексас и уште еднаш ги избраа братот на Маск, Кимбал и синот на медиумскиот магнат Руперт Мардок Џејмс за одборот на директори, објави Тесла за одлуките на акционерите на годишното собрание.
Истовремено, тие го зголемија нивото на нивната контрола со одобрување предлози за скратување на мандатот на членовите на Управниот одбор на една година и за намалување на бројот на гласови потребни за донесување одлуки, за што сега ќе биде потребно само просто мнозинство.
„Не само што отвораме ново поглавје за Тесла, туку започнуваме нова книга“, рече Маск на сцената за време на собранието.
Платата и другите одлуки беа изгласани со големо мнозинство од акционерите, нагласувајќи ја поддршката што Маск ја ужива од малите акционери на Tesla, од кои многумина се големи обожаватели на милијардерот.
Предлогот за огромен пакет компензација помина и покрај противењето на некои големи институционални инвеститори и брокерски фирми, но Маск може да се соочи со долга правна битка за да го убеди судијата д Делавер кој го укина пакетот во јануари, нарекувајќи го „неразбирлив“ и може да се соочи нови тужби во врска со таа исплата.
Зеленото светло на акционерите за исплата на огромна плата служи и како потврда дека инвеститорите не сакаат да ја ризикуваат иднината на компанијата. Поточно, во јануари, Маск се закани дека ќе работи на производи за вештачка интелигенција и роботика надвор од Тесла доколку не успее да добие доволна контрола на гласањето, што се однесуваше на одобрувањето на пакетот за компензација во 2018 година.
Маск го префрли фокуст на компнјата на роботаксија, одложувајќи го производството на поевтини електрични автомобили на масовниот пазар. Цената на акцијата на Tesla падна за околу 60 отсто од нејзиниот врв во 2021 година, бидејќи продажбата на електрични возила е забавена, а вниманието на Маск е поделено меѓу Тесла и другите компании што тој ги води.