„Bank of America“ заврши со преместувањето на банкарските и финансиските операции од Лондон во Европа, префрлајќи ги во новата централа во Даблин, соопшти денеска банката, цитирана од „Ројтерс“, откако ги доби сите потребни регулаторни и судски одобренија.
Меѓународните банки основаат подружници во ЕУ за да се осигурат дека продолжуваат да им служат на своите клиенти. Лондонските компании може да го изгубат правото да работат во ЕУ, а излегувањето на Велика Британија од ЕУ се уште е исполнето со неизвесност.
Како дел од подготовките за „Brexit“, „Bank of America“ најави минатата година дека ќе ја спои „Bank of America Merrill Lynch International“, својата подружница базирана во Лондон, со ирската поделба во Даблин.
Минатата година „Bank of America“ стана првата американска банка, која го избра Даблин за новата централа за операциите во ЕУ. Зголемувањето на финансискиот центар во главниот град на Ирска се натпреварува со Франкфурт и Париз за привлекување на лондонските компании.
„Bank of America“ ќе премести до 125 работници од Велика Британија, најмногу во Ирска, како дел од преземените активности, се наведува во корпоративна информации, со која „Ројтерс“ се запозна порано во текот на годината.
Банката информира дека вработените во одделот за финансии, управувањето со ризик, правните услуги, технологијата и кредитирањето ќе бидат засегнати со овој чекор. Овие потези ќе бидат комбинација од преместување на вработените и вработување на нови, а овој процес започна во јули, ќе трае до декември оваа година.
Преземените активности се во првата фаза од преместување на работните места, втората фаза ќе стане можна во зависност од исходот на преговорите на Велика Британија со ЕУ, објави банката. Втората фаза главно ќе доведе до промена на работните места во Франција, како и во Ирска, Германија и други локации.
„Bank of America“ најави денеска дека во моментов во Даблин работат 800 лица и дека новите нејзините европски централи ќе оперираат преку нејзините филијали во Амстердам, Брисел, Франкфурт, Лондон, Мадрид, Милано, Париз и Цирих.