Пушачите и љубителите на жестоки пијалаци ќе да бидат погодени од предвидените предлог-измени на Законот за здравствено осигурување во Хрватска.
Со овој закон се предвидува да се обезбеди поголем прилив на пари во здравството, за да може да се следат медицинските иновации и скапи лекови.
Ако законот помине, цигарите и алкохолот би можеле да поскапат за 50 отсто.
Највисокиот износ на учество за лица кои не плаќаат дополнително осигурување ќе скокне на 4 000 куни (околу 540 евра).
На кутија цигари, која чини дваесет куни, ќе бидат додадени уште 10 куни за здравство. Се очекуваат дополнителни милијарда и пол до две милијарди куни за здравство.
Слично би било и со алкохолните пијалаци, чија цена би се зголемила за педесет отсто. Ако шише жесток пијалак чини 50 куни, уште 25 куни директно ќе одат во ХЗЗО.