Живот 18.12.2023 09:26

Европска земја воведува „соцвоијален лизинг“, е-автомобил за 54 евра месечно!

Европска земја воведува „соцвоијален лизинг“, е-автомобил за 54 евра месечно!

Франција го воведува таканаречениот „социјален лизинг“, идеја која подразбира намалување на емисиите на штетни гасови, зголемување на производството и помош на социјално помалку привилегираните семејства.
Заинтересираните сега можат да се регистрираат онлајн, а потоа од јануари да купат електрични автомобили за 100 евра или помалку месечно. Понудата е наменета за домаќинства чии референтни приходи се помали од 15.400 евра годишно, пишуваат германските медиуми, а пренесува магазинот Феникс.

Услов е и купувачот да живее најмалку 15 километри од своето работно место или да патува повеќе од 8.000 километри годишно поради работа.

На овој начин владата на Макрон ги исполнува своите предизборни ветувања. За 2024 година понудата ќе биде ограничена на 20.000 до 25.000 можни регистрации, но подоцна постепено ќе се проширува.

Субвенциите изнесуваат 13.000 евра за секој изнајмен автомобил. Договорите треба да траат три години и ќе можат да се обновуваат.

„Социјален лизинг“ е предизборно ветување од претседателот Емануел Макрон минатата година. Автомобилите се одговорни за повеќе од 15 проценти од емисиите во Франција. Владата сака да ја намали оваа квота за да може да ги исполни целите за намалување на штетните гасови до 2030 година.

Освен тоа, Франција сака да го поттикне европското и уште повеќе домашното производство. „Сакаме да помогнеме, пред се, да купиме електрични автомобили што се произведуваат во нашата земја“, изјавија тие.

Најевтините понуди за „социјален лизинг“ изнесуваат 54 евра месечно без осигурување. Моментално се однесуваат на модели произведени во Европа, но не и во Франција.

Во иднина веќе нема да има субвенции за електричните автомобили од кинеските производители, јавуваат германските медиуми.