Германските машиновозачи повторно ги напуштија своите работни места во, како што се чини, најдолгиот штрајк досега на железничките работници, предизвикувајќи нови главоболки кај патниците, објави Ројтерс во средата, додавајќи дека враќањето на преговарачката маса е едвај на повидок.
Синдикатот на германските машиновозачи ГДЛ во понеделникот, за време на тековните преговори за колективниот договор, повика на најдолг штрајк до сега, кој треба да трае цели шест дена и целосно да го парализира железничкиот сообраќај во Германија. Штрајкот се очекува да трае до понеделник навечер.
Портпаролот на ДБ најави „огромни ограничувања“ во железничкиот сообраќај низ целата земја. „Треба да седнете на маса, мора да најдете компромис. Тоа е единствениот начин“, рече портпаролот, предупредувајќи на тешките последици од шестдневниот штрајк врз економијата на земјата.
Бидејќи Германија е логистичкото срце на Европа, проценките доаѓаат од тамошниот Економски институт (IW) дека штрајкот може да чини до една милијарда евра поради брзото мултиплицирање на трошоците.
Во исто време се одвива и штрајк на машиновозачите на товарните возови. Тие стапија во штрајк во вторник во 18 часот.
Шефот на ГДЛ, Клаус Веселски, за АРД изјави дека е подготвен на компромиси околу платите и работното време, но верува дека понудата на ДБ не отишла доволно далеку. ()