Големите регионални разлики во цените на половните автомобили го поставуваат прашањето: Каде да се купи автомобил во Германија?
Многу луѓе се обраќаат кон Германија кога планираат да купат користен автомобил поради атрактивните цени. Сепак, дури и во Германија постојат значителни регионални варијации. Анализата на страницата Mobile.de покажува дека во некои сојузни држави цените на автомобилите се дури 15% пониски од националниот просек.
Финансиски просперитетните области, како Минхен и Хамбург, генерално имаат повисоки цени за користени автомобили. Според извештајот на германскиот магазин Фокус, во јули 2023 година на порталот mobile.de биле понудени 1.327.282 користени автомобили со просечна цена од 29.366 евра.
Поточно, во Хамбург просечната цена беше 33.211 евра, додека Сар, кој граничи со Луксембург и Франција, беше најприфатлив со цена од 25.392 евра. Меѓу големите градови, автомобилите во Келн биле најприфатливи, додека Минхен е најскап со просечна цена од 37.107 евра, пишува ХАК магазинот.