Седницата на Собранието за уставните измени, по повеќе одложувања беше најавено дека ќе продолжи вечерва во 21 часот. Не е познато дали вечерва ќе се гласа или само ќе продолжи дискусијата.
Претходно, ВМРО-ДПМНЕ преку соопштение кажа дека „согласно Член 68 став 4 од Деловникот на Собранието на Република Македонија, седницата на Собранието трае од 11 до 18 часот освен ако со писмо Претседателот на Собранието не одлучи поинаку. До овој момент, 18:30, немаме никакво известување и се смета дека денешната седница е завршена“.
Вечерва премиерот Зоран Заев, кој подолго време беше во Собранието го напушти и најави дека ќе оди во владата, велејќи дека се прават обиди да се обезбеди мнозинство за гласањето за уставните измени.