Граѓаните на Република Македонија овие неколку месеци алармираат дека се гушат, воздухот е енормно загаден, а власта не презема мерки.
Концентрацијата на ПМ10 честички во воздухот измерена во 10 часот во Струмица е 283 mg/m3, во Карпош 254 mg/m3, Миладиновци 228 mg/m3.
Во Тетово концентрацијата на ПМ10 честички изнесуваат неверојатни 212 mg/m3, во Општина Центар се движи околу 205 mg/m3.
Да потсетиме сабајлево Скопје се искачи на врвот на листата на индексот за квалитет на воздухот како најзагаден град во светот. Со над 200 ПМ 2,5 mg/m3 честици на метар кубен, Скопје ги надмина по загаденост градовите во Пакистан, Индија и Кина.
На страната на „Ер вижуал“ метрополата на Македонија ја носи квалификација „многу нездраво“.Најголема загаденост е регистрирана после полноќ, кога нивото на ПМ честиците се искачило над 300 mg/m3. Најзагадени населени места утринава во Скопје се Карпош, Центар и Ректорат.
