Актуелно 09.11.2018 19:00

Илија Димовски: Владата ја промаши проекцијата за буџетот и со ребалансот го призна тоа. Многу е веројатно дека растот од 2,8 % нема да се исполни

Илија Димовски: Владата ја промаши проекцијата за буџетот и  со ребалансот го призна тоа. Многу е веројатно дека  растот од 2,8 %  нема да се исполни

Пратеникот Илија Димовски од редовите на ВМРО ДПМНЕ денеска на собраниската расправа за ребалансот на буџетот кажа дека  Владата ја промашила проекцијата за буџетот и дека со овој ребаланс го признала тоа.

 

„Како и минатата година и оваа година кажувавме дека проекцијата од 2,8 %  нема да се оствари . Попатно да споменам дека и Европската Комисија прави проекција за растот на економијата од 2,1 % а претходно и ММФ направи проекција од 1, 6 % раст на БДП за оваа година . “

 

Димовски кажа дека може овие бројки звучат како непотребна статистика но дека ова кажува колкав ќе биде и степенот на зафат на економијата и имплицира колку  ќе е растот за следната година.

Илија Димовски потенцираше дека ваквите резултати воглавно се должат на неснаоѓањето,  незнаењето и неработењето на Владата.