Во сметките за потрошена струја за јануари, кои граѓаните ќе ги добијат во февруари, нема да биде пресметан новововеденот надомест за пристап до мрежа од 200 денари. Со ова се коригира направената грешка во сметките за декември, во кои е ставен за наплата и тој износ. Целта е да се зајкне довербата меѓу потрошувачите и операторот, и да се докаже дека никој не остварува екстра профит од оваа давачка, посочи претседателот на Регуларната комисија за енергетика, Марко Бислимовски.
„За да се зголеми довербата кај граѓаните и да знаат дека никој не остварува екстра профит, во јануарската сметка за потрошена електрична енергија, која граѓаните ќе ја добијат во февруари, нема да има надомест од 200 денари за пристап до мрежа, посочи Бислимоски.
Како што појасни, РКЕ го прави ова за да ги убеди сите дека новиот надомест нема да биде екстра профит за ниту една компанија.
„Едноставно довербата која што треба да се гради помеѓу потрошувачите од една и операторот на дистрибутивниот систем од друга страна, мора да ја промовираме и да ја зголемуваме и во таа насока уште еднаш потенцирам дека во јануарските сметки кои граѓаните ќе ги добиваат во месец февруари, ќе го нема надоместокот од 200 денари“, нагласи првиот регулатор.
Инаку, надоместот е вкалкулиран согласно одлуката на РКЕ и стапи во сила од први јануари. Во сметките за февруари повторо ќе бидат пресметани утврдените 200 денари за пристап до мрежа. ()