Коронавирусот ја зема третата жртва во Република Македонија. Денес почина пациентката од Дебар, за која извесен период се информираше дека е во критична состојба.
Хоспитализирана беше заедно со нејзиниот, откако на 6-ти март нивните тестови за коронавирус беа позитини. На 27-ми февруари во нашата земја пристигнале од Бреша, Северна Италија.
-Таа почина пред неколку часа, на 66-годишна возраст, имала хронична болест хипертензија, рече министерот за здравство Венко Филипче на прес конференција.
Во изминатите 24 часа, соопшти Филипче, регистрирани се 29 нови случаи на коронавирус во земјата. По градови: Скопје (20), Куманово (3), Велес (3), Прилеп (2) и Дебар (1).
Со ова, вкупната бројка на дијагностицирани пациенти со коронавирус денеска до 12: 00 часот изнесува 177 лица.
Филипче посочи дека вкупната бројка на тестирани за коронавирус изнесува 1000 лица.