Со оглед на упатени прашања од различни медиуми во врска со корекцијата на интервјуто на премиерoт Зоран Заев, Македонската информативна агенција (МИА) посочува дека немало никаква интервенција од Алексис Ципрас и од Атина како што се пренeсува, ниту од кого било.
МИА корекцијата ја направи откако реагираа македонските медиуми.
Единствено што е точно е дека по увидените реакции во печатот за пренесеното интервју, е направена проверка на истото и е утврдено дека се направени погрешни интерпретации за што веднаш е направена корекција и истата коригирана изјава е дистрибуирана до јавноста.
Правило е кога агенциите ќе направат грешки да се испратат корекции, дополнувања на веста па дури кога станува збор за сосем погрешни вести и повлекување на истата.
Грчкиот весник „Екатимерини“ тврди дека на барање на владата во Атина македонската државна новинска информативна агенција ги сменила изјавите на премиерот Зоран Заев дадени во кусото интервју за МИА во Вашингтон, пренесува порталот Експрес.
Интервјуто е направено по средбата со потпретседателот на САД Мајк Пенс, но неговата прва верзија објавена од агенцијата била променета откако интервенирала грчката влада, која практично направила цензура во македонски национален државен медиум.
Првата изјава на Заев:
Во оригиналното интервју за МИА во Вашингтон, Заев изјавил: „Северниот дел од Грција е Грција, западниот дел од Бугарија е Бугарија. Ова е наша Македонија и нема да има ниедна друга во светот“. МИА веднаш го пренесе интервјуто, но подоцна комплетно ги промени изјавите на Заев.
Повеќе на Експрес.мк