Мисијата на Меѓународниот монетарен фонд (ММФ) во Украина во понеделникот го започна вториот преглед на имплементацијата на Киев на програмата Проширен фонд (ЕФФ), објави Националната банка на Украина.
Ревизијата на програмата ЕФФ ќе ја испита усогласеноста на Украина со нејзините обврски од Меморандумот за економска и финансиска политика. Станува збор за мерки во делот на фискалната, монетарната и девизната политика, обезбедување финансиска стабилност, како и структурни реформи за среднорочен и долгорочен економски раст, пренесува Комерсант.
Дополнително, експертите ќе разговараат за изворите на финансирање на дефицитот, државниот буџет на Украина, вклучувајќи ја и меѓународната финансиска помош и пазарот на домашниот долг. Од Народната банка најавија дека ревизијата нема да биде лесна и дека е императив да се задржи поддршката од ММФ, поради натамошното финансирање на буџетските потреби, развојот на земјата и нејзината европска иднина.
На крајот на јуни ММФ ја објави одлуката за доделување на втората транша од заемот на Украина во износ од 890 милиони долари. Во ноември, украинското Министерство за финансии вклучи дефицит од 38 милијарди долари во нацрт-државниот буџет за тековната година.
Украинскиот премиер Денис Шмихал најави дека ММФ ќе ја разгледа програмата за проширено финансирање на земјата, што ќе му даде можност на Киев да добие уште една транша од помошта во вредност од околу 900 милиони долари. Според заменик министерот за финансии Сергеј Марченко, буџетот за 2024 година се соочува со дефицит од 29 милијарди долари, доколку нема помош од Западот.