Патувањето низ времето сѐ уште не е измислено, но тоа што многумина од нас го гледаа во класичните SiFi филмови во детството, полека станува реалност во секојдневието. Кога станува збор за плаќањето, иднината пристигна и ние веќе живееме во реалност во која имаме виртуелен паричник.
На тој план интересно е да се наведат неколку факти:
- Најновите статистики покажуваат дека во 2019 година, бројот на корисници на мобилни телефони ќе достигне 4,68 милијарди.
- При едно неодамнешно истражување направено од Американското банкарско здружение, за навиките на генерацијата милениумци (родени во периодот од 1981 до 1996 година) 77% изјавиле дека нивниот мобилен телефон е во секое време со нив.
- 23% од милениумците во ова истражување одговориле дека пресудно при изборот на банка е таа да има мобилни сервиси, како основно средство за комуникација со банката.
- Кај Милениумците е двапати поверојатно да го изгубат паричникот, споредбено со претходната генерација и 3 пати поверојатно споредбено со Генерацијата Х (родени во периодот од 1965 до 1980 година).
- Просечно 2.5 денови годишно поминуваме барајќи изгубени предмети, а во 20% од случаите тоа е паричникот.
- 35% од мажите не признаваат кога ќе изгубат нешто, обвинувајќи некој друг, најчесто сопругата. Исто е случај и кај 30% од жените.
- Во една чанта има сѐ, освен ред, а паричникот е секогаш на дното кога ни треба.
Инспириран од овие факти, тимот на НЛБ го воведе NLB Pay – Мобилниот паричник кој во вистинска смисла на зборот го интегрира Вашиот паричник во рамки на мобилниот телефон, кој прерасна во најкорисната алатка на современото живеење.
NLB Pay е мобилна апликација која овозможува брзо, едноставно и сигурно бесконтактно плаќање со мобилен телефон насекаде, во земјата и странство. Оваа апликација во целост може да го замени вистинскиот паричник, кој повеќе нема да биде неопходен во секој момент. Плаќањето со мобилен паричник е поедноставно дури и од плаќањето со платежна картичка и се извршува само со отклучување на мобилниот телефон и негово приближување до ПОС терминалот. Притоа не е потребна најава во NLB Pay мобилната апликација.
Користењето на NLB Pay мобилниот паричник е без никаков надомест, независно од бројот на НЛБ Mastercard картички кои ќе ги дигитализирате. Една од најдобрите карактеристики е што апликацијата бесплатно се презема од GOOGLE PLAY STORE и не мора да одиме во експозитура за да започнеме да го користиме мобилниот паричник.
Што ако немаме интернет во моментот на плаќање?
Со NLB Pay мобилниот паричник можеме да плаќаме дури и кога немаме интернет на телефонот, при што можеме да направиме до 10 трансакции.
Сега сигурно се прашувате колку е ова плаќање безбедно?
Сѐ е во ред, плаќањето со NLB Pay е навистина безбедно.
Апликацијата не може да се користи доколку на телефонот немаме ставено безбедносна заштита за заклучување на телефонот (ПИН, патерн, отпечаток од прст или препознавање на лице). Дури и да го изгубиме телефонот, картичката не може да биде злоупотребена бидејќи телефонот ќе ни биде заклучен.