Наталија Алексова уште четири години ќе биде дел од Управниот одбор на ТТК Банка. Новиот, кој е четврти мандат, почнува на 26 месецов. За реизборот од Банката информираат преку Македонска берза.
„Ве известуваме дека со решение на гувернерката на Народната банка на Република Северна Македонија бр.15-57/7 од 11.03.2024 година, издадена е претходна согласност за повторно именување (реизбор) на г-ѓа Наталија Алексова за член на Управниот одбор на ТТК Банка АД Скопје, со нов мандат од 4 (четири) години сметано од 26 март 2024 година“, наведено е во објавата.
Алексова е генерален директор за управување со ризици, а член во Управниот одбор е од март 2012 година. Зад себе има долгогодишно банкарско искуство, почнувајќи од Тетекс банка, преку Тетекс – кредитна банка, па ТТК банка, каде што од 2006 извршува директорска функција.
()