Австралиската рударска компанија „Стрикленд Металс“ објави значајно откритие во својот проект Рогозна, југозападна Србија. Компанијата соопшти дека во еден бунар, на длабочина од 89,7 метри, откриена е богата концентрација на злато, четири грама на тон.
„Стрикленд“ наведува дека во бунарот на локацијата на полето Шанац во близин на Нови Пазар има побогати заситувања од неверојатни 10,5 грама на тон материјал.
-Не само што ги откривме најголемите количества злато што некогаш сме ги сретнале на проектот Рогозна, туку наидовме и на голема минерализација на бакар и злато понатаму низ дупката – изјави Пол Леприни, управен директор на Стрикланд.
Австралиската компанија „Стрикленд металс“ во април објави дека го купува проектот за злато Рогозна во Србија за 37 милиони долари. Се претпоставува дека ова наоѓалиште крие околу 170 тони златен еквивалент.
Дупчењето започна во јули.
По информацијата се активира Граѓанското движење на Санџак (ГПС) кое соопшти дека покренало иницијатива за одржување на посебна седница на локалниот парламент на која ќе се расправа за геолошките истражувања на рудите на територијата на Нови Пазар.
Оваа политичка групација бара надлежните органи и служби да достават извештај за тоа.
„Сакаме оваа тема, која е од клучна важност за сите граѓани на Нови Пазар и Санџак, да биде адекватно третирана, за да имаат јасни и прецизни информации за оваа проблематика и за да можат во иднина соодветно и навремено да рагираат на ова. и сите други настани во нашето опкружување“, се наведува во соопштението на ГПС.
Пред тоа и здружението „Менјамо Нови Пазар“ се закани дека ќе организира граѓански протести и ќе блокира патишта. Тие ги повикаа граѓаните „внимателно да ги следат случувањата во Рогозна“ и да не дозволат отворање на рудникот за злато.
Здружението оцени „дека експлоатацијата на златото е многу опасна за животната средина поради употребата на штетни хемикалии“.
Српските медиуми уште во 2009 година пишуваа дека експерти од неколку меѓународни компани, кои го истра просторот околу Нови Пазар, тврдат дека целата планина Рогозна крие големи наоѓалишта на бакар, сребро и злато.