Градежништвото е во пад според најновите податоци на Државен завод за статистика. Имено, според податоците на Државниот завод за статистика, во април 2019 година се издадени 240 одобренија за градење, што е за 3.6 % помалку во однос на истиот месец од претходната година.
Исто така, според издадените одобренија за градење, предвидената вредност на објектите изнесува 5 309 660 илјади денари, што е за 14.6 % помалку во однос на истиот месец од претходната година.
Ова не е воопшто чудно посебно ако се земе во предвид и слабата реализација на капитални инвестиции кои се на очајно ниво и ништо не се гради. Дополнително, јавниот долг се зголемува владата се задолжува континуирано но никој не знае каде одат парите , затоа што очигледно не се трошат на стратешки проекти кои ќе бидат од долгорочна и стратешка важност на државата.
Експертите велат дека ваквата очајна состојба во економијата ќе има долгорочни последици по и онака нискиот стандард на граѓаните. Инаку, градежништвото е една од главните гранки во Македонија на кој се базира и економскиот раст. Економистите сметаат дека ако продолжи овој катастрофален пад во овој сегмент економскиот раст воопшто нема да биде задоволителен и покрај 4,1 % раст на БДП во првиот квартал. Континуитетот во растот е од круцијална важност за тој раст да го почувствуваат граѓаните во подобрување на стандардот на живеење.