Можеби не секогаш преземањето ризик ви се чини како вистинска идеја, но ние сме тука да ве охрабриме.
Еве причини поради кои ризикувањето е од суштинско значење за успехот. Ризикувањето е одраз на самодовербата и помага да се истакнете.
Ризикувањето е исто така одлична прилика да се истакнете и да се претставите како лидер, а не следбеник кој е задоволен со “стастус кво“.
Знаењето кое го имате може да ви помогне да ја зголемите самодовербата, па преземањето на ризици нема да ви изгледа страшно, како што ви изгледа на прв поглед.
Од преземањето ризик често произлегуваат големи можности
Можностите кои произлегуваат од преземањето ризици, најчесто не можат да се предвидат. Голем број од успешните луѓе се успешни поради тоа што биле спремни да преземат ризици, кои другите не биле спремни да ги преземат. Дури и во моментите кога луѓето околу вас ве разубедуваат, доколку сметате дека некој ризик е вреден и води кон големи можности и остварување на вашите цели, не се двоумете да го преземете.
Учиме од ризиците и тие лекции можат да не однесат на нов, важен пат
Освен одличните можности и признанија кои преземањето ризик може да ви ги донесе, исто така преку преземањето ризици, се дава можност и за внатрешен раст. Бидете сигурни дека најважните животни лекции ќе ги научите само ако преземете ризик и ако си докажете на самите себе дека можете.
Успехот нема да ви падне од небо – мора да се изборите
Треба да сакате да бидете успешни, треба да очекувате да бидете успешни, да преземете онолку ризици колку што е потребно, за навистина да успеете во сè што ќе зацртате. Мора да бидете смирении уверени дека може да смислите начин да напредувате и вашиот пат кон саканата цел да го изодите до крај.
Соништата не се остваруваат, “кога играте на сигурно“
За сите професионалци, светот надвор од сопствената комфорна зона може да биде огромен и застрашувачки. Додека не бидеме спремни да излеземе од неа и да преземеме ризик, никогаш нема да бидеме во состојба да постигнеме професионален успех и да го оствариме нашиот потенцијал.