Колку и да сте добар работник и ги завршувате сите обврски на време, запамтете дека на работа мора да пружате помош и поддршка во случаеви кога е тоа потребно. Исто така, никогаш не заборавајте дека мора да ја зголемите употребата на овие неколку реченици, затоа што ќе ви бидат од голема помош доколку сакате да напредувате на вашето работно место.
Можам ли некако да ти помогнам?
Сигурно ви се случувало да не можете да извршите некоја задача бидеќи не можете да се сетите на оптимално решение. Ако видите дека некој ваш колега има таков проблем, сетете се како на вас ви била потребна помош. Вашиот труд ќе се цени, а вие ќе се чувствувате исполнето бидеќи на некој сте му помогнале.
Извини!
Збор кој е најтежок за изговарање без оглед дали треба да го кажете на колега, пријател или сакан. Сепак треба да сте свесни дека извинувањето и признавањето дека не сте биле во право нема да ви ја симне „круната од глава“, а ќе испратите силна порака. Само оние кои се силни имаат храброст да признаат кога ќе погрешат.