Европа мора да ја намали емисијата на штетни гасови повеќе од она што беше во план да се спречи глобалното затоплување како што решивме со Парискиот договор, порача холандскиот премиер Марк Руте во Европскиот парламент.
Европската Унија имаше цел да ја намали концентрацијата на јаглеродни честички во воздухот најмалку 40 отсто до 2030 година, односно под нивото од 1990 година. Инаку, според научниците ,емисијата на штетни гасови е една од главните причини за глобалното затоплување.
„Ова не е доволно“, изјави Руте за време на пленарната седница во Европскиот парламент во Стразбург.
„Мојот предлог за намалување на емисијата на штетни гасови е најмалку 55 проценти до 2030 година. Не само затоа што треба да си ги исполниме обврските туку и затоа што Европа треба да биде компетитивна и да се насочува кон иднината“, додаде Руте.