СДСМ секогаш кога победува на парламентарните избори победува со голема лага. Така беше и на тој 15 септември кога ветуваа чуда дека ќе се случуваат во Република Македонија. Се сеќавате на тие спектакуларни говори, со многу убави зборови, со многу убави метафори, со ветувања кои што македонскиот граѓанин тогаш ги очекуваше од таа гарнитура на СДСМ. Дел од таа гарнитура можам да заклучам дека се уште постои, со што јас можам да заклучам дека се уште оние транзициони политичари не завршиле во Македонија. Се надевам дека многу скоро, со крајот на оваа влада и тие транзициони политичари ќе заминат во историјата вели лидерот на ВМРО-ДПМНЕ Христијан Мицкоски во гостување на телевизија Сонце во емисијата на „Јади бурек“ .
Според Мицкоски, СДСМ секогаш ги користи истите лаги и празни ветувања за да ја добие власта, но граѓаните гледаат дека од кога СДСМ е на власт нема ништо од ветувањата.
-Ветуваа по еден вработен од секое семејство, ветуваа поголеми плати, пензии, здравство достапно за сите итн. И тогаш победија како што победија. Но, народот го виде сето тоа, го препозна и веќе на следните избори ја изгуби власта.
Мицкоски, истакна дека ВМРО-ДПМНЕ е партија за која говорат делата и реализираните проекти во изминатите 11 години за граѓаните, додека Заев за 14 месеци наместо ветениот живот, на граѓаните им донел само пекол.
-Дојде Зоран Заев ветувајќи живот, но еве 14 месеци потоа откако Зоран Заев ја има апсолутната власт во Република Македонија и централна и локална и гледаме дека не само што не дојде живот, туку дојде пекол за граѓани и ова не го зборувам како претседател на ВМРО-ДПМНЕ туку како граѓанин, како човек кој што на дневна основа комуницира со неговите пријатели, колеги, роднини, потенцираше Мицкоски.