Бизнис ефектот од користење на блокчеин технологија во компаниите ќе се зголеми 800 пати до крајот на следната деценија, прогнозира аналитичарската фирма IHS Markit.
Во 2017 година, бизнисот заработил околу 2,5 милијарди долари од блокчеин. Оваа сума е формирана со заштеди и ефикасност, постигната од компании кои ја користат технологијата. Кон 2030 година, ефектот од блокчеин ќе достигне 2 трилиони долари, сметаат аналитичарите.
„Блокчеин воведоа прво фирмите од пазарот на финансиски услуги кои ги користат предностите на технологијата претежно во областа на платежните решенија. Технологијата сепак е подготвена да забрза во речиси секоја индустрија, откако ќе ги опфати сите организации во наредните години“, вели виш аналитичар за истражување на пазарот на блокчеун во IHS Markit – Дон Таит.
Блокчеин е систем за организирање на бази на податоци. Во моментов тој се користи главно како складиште на информации за зделки со криптовалута (Bitcoin, Ethereum и др.), Но може да биде применет и во банкарскиот сектор, бидејќи крипто-технологијата го намалува времето за извршување на големи зделки. Ова се однесува не само на финансиските трансакции и на крипто-податоците.
Неодамна IBM и логистичка компанија Maersk создадоа заедничко претпријатие кое ќе ја развива првата во светот блокчеин платформа за превоз на товар. Технологијата ќе овозможи користење на дигитални синџири за испорака и ќе го следи движењето на стоки низ целиот свет во реално време.
Повеќето аналитичари се согласуваат дека блокчеин е поврзан со иднината на модерната е-трговија. Според прогнозите објавени од IBM, до крајот на 2020 година околу две третини од банкарските операции ќе бидат спроведени преку оваа технологија.
Банкарскиот сектор не е единствениот кој може да се искористи целосно од сите предности на блокчеин, бидејќи основните принципи на технологијата се погодни за употреба во речиси секоја сфера на дејност. Според експерти, транспарентноста на блокчеин, како и можноста за извршување на трансакции во реално време даваат основа да се претпостави дека технологијата допрва ќе го открива својот вистински потенцијал.
Според прогнозите на IHS Markit, распоредувањето на блокчеин ќе игра важна улога за подобрување на технологијата за логистика и управување со снабдувачки синџири. Светската трговска организација (СТО), изјави дека намалувањето на пречките на синџирите на снабдување има потенцијал да го зголеми светскиот БДП за 5%, а трговскиот промет – за 15%.