Според УХМР, промената на времето под влијание на влажен и студен бран ќе услови пад на температурите.
–Во понеделник во ноќните часови, како и во вторник ќе преовладува облачно време со врнежи од дожд. На планините и на повисоките места врнежите ќе бидат од снег и ќе се формира нова снежна покривка. Ќе дува умерен до засилен северен ветер, а дневните температури ќе бидат во значително опаѓање, најави УХМР.
Од среда времето ќе биде променливо облачно со слаби локални врнежи и благ пораст на температурата.
Како што информираше претходно УХМР, утре и во понеделеник ќе се задржи стабилно и топло време со мала до умерена облачност и со умерен ветер претежно од западен правец. Максималните температури ќе достигнат до 24, односно до 23 степени, а по промената во понеделеник, во вторник ќе изнесуваат максимум 12 степени.