Живот 31.01.2024 08:50

„Тојота“ ги запира испораките на 10 модели поради неправилности при тестирање

„Тојота“ ги запира испораките на 10 модели поради неправилности при тестирање

„Тојота мотор“ (Toyota Motor) привремено ќе ја прекине испораката на десет модели на возила откако доставувачот „Тојота индустрис“ (Toyota Industries) откри проблеми со сертификацијата во врска со некои дизел-мотори.

Истражниот комитет откри неправилности за време на тестирањето на моќноста, кое ги правел со мерења врз основа на компјутерски модули со софтвер различен од оној што се користи за масовно производство, што резултирало со вредности со помали варијации, се наведува во соопштението на производителот на автомобили од понеделникот.

Прашањето за сертификација е последното што ја погоди „Тојота“, откако подружницата „Дајхатсу“ (Daihatsu Motor) минатиот месец објави дека повеќето нејзини возила не биле соодветно тестирани и дека производителот манипулирал со резултатите од тестовите што датираат од 1989 година.