Турската амбасада во Скопје испрати реакција во која го осуди субвенционирањето од страна на македонската влада субвенционирањето на весник на турски јазик, кој според официјална Анкара е близок до организацијата ФЕТО на Фетула Ѓулен, која Турција ја смета како опасност за нејзиниот поредок.
Владата пред два дена го објави списокот на Програмата за поддршка за печатење и дистрибуција на печатените медиуми за 2018 годинам меѓу кои е весникот „Заман Македонија” на турски јазик., јавува агенцијата Анадолија. Инаку весникот „Заман Македонија” е еден од 11-те печатени медиуми кој доби субвенции ви рамки на програмата за нивна помош. Сумата за материјална поддршка на неговото печатење изнесува 903.092 денари.
„Познато е дека Република Турција ја поддржува Република Македонија од нејзината независност на сите важни полиња. Поддршката и односот на Република Турција кон Република Македонија отсекогаш биле пријателски и добронамерни. Одлуката на Владата на Македонија да се додели финансиска поддршка за весник на ФЕТО ја сметаме за скандалозна и неприфатлива. Очекуваме дека Владата на Македонија ќе ја преиспита својата одлука и ќе ги земе в предвид долгогодишните пријателски односи помеѓу двете земји и двата народи“, се вели во реакцијата на Амбасадата на Турција во Скопје.