Утре владата планира да се задолжи за нови 8 милиони евра. Имено, на официјалната страна на Народна Банка на Република Македонија објавена е нова аукција на хартии од вредност во износ од 500.000.000 или 8 милиони евра.
Владата континуирано се задолжува додека јавниот долг вртоглаво расте. Експертите сметаат дека задолжувањето во последните две години е огромно и дека воопшто не е оправдано. Капиталните инвестиции се очајно ниски додека економијата воопшто не ги исполни очекувањата кои владата ги најавуваше.
Имено, јавниот долг ја надмина психолошката граница и е проектиран до крајот на 2020 да достигне 51 % што е алармантно и опасно коментираат економистите.
Исто така голем дел од светски познатите финансиски институции ја рангираат македонската економија во една од најслабите како на Балканот така и во Европа.
Владата на СДСМ пред да дојде на власт ветуваше намалување на јавниот долг, намалено задолжување и раст од 5 % но ништо од ова не се оствари.