Владата ќе плати астрономска сума на пари за тековно одржување и чистење на своите објекти.
Имено, на системот за Јавни набавки има објавено 2 договори во кои како договорен орган стои Служба за општи и заеднички работи на Владата на Република Македонија и во овие огласи како предмет на договорите на јавна набавка стои тековно одржување и одржување на хигиена.
Вкупната вредност на договорите изнесува 385 000 000 денари или околу 6,3 милиони евра.
Претходно Службата за општи и заеднички работи на Владата на Република Македонија распиша тендер за хортикултурно одржување и уредување на објектите на државната управа. Проценетата вредност на истиот изнесува 41 милион денари односно околу 670 илјади евра.
Исто така, неодамна СОЗР распиша и тендер за набавка на кафе во вредност од 45 илјади евра.
