На официјалната страна на Министерството за финансии излезе извештајот за извршување на буџетот за октомври 2018 година. Во него реализацијата на капиталните трошоци е едвај 40 %. Експертите велат дека продолжува лошата динамика на реализација на капиталните инвестиции што ќе има огромно негативно влијание врз и онака слабата македонска економија.
Владата секој месец ветува дека во наредниот период ќе се подобри реализацијата на капиталните инвестиции но како што велат експертите помина веќе цела година и досега Македонија има најнизок степен на реализација на капитални трошоци.
Ова според економистите е тесно поврзано со градежништвото кое е во континуиран пад а е гранка која е главниот учесник во градењето на Бруто домашниот производ.
Познавачите потенцираат дека ова негативно ќе се одрази на растот на БДП оваа година. Ова го сметат и огромен број на реномирани странски финансиски институции и организации како ММФ и Светска Банка кои на неколку наврати направија надолна корекција на стапката на економски раст кој беше проектиран на 3,2 % за сега да достигне процент од едвај 2 % според последниот извештај на Европската комисија.