Акционерското друштво Алкалоид соопшти дека во периодот јануари-март годинава остварило раст од 9% на консолидираниот извоз, зголемување на консолидираната нето добивка од 7%, инвестиции во вредност од 357 милиони денари, а биле отворени и 51 ново работно место.
Според билансот за успех, тоа подразбира позитивни финансиски резултати. Во периодот јануари-март вкупната продажба достигнала околу 2 милијарди и 458 милиони денари, што е за 5% повеќе од истиот период лани. Од вкупната консолидирана продажба, 36% е реализирана на домашниот пазар, а 64% во странство. Од тоа, 34% од продажбата заминала за Русиј, а и 20% во Западна Европа.