Економија 16.05.2018 14:48

Цената на „црното злато“ уште повеќе ќе се зголемува

Цената на „црното злато“ уште повеќе ќе се зголемува

Цената на сировата нафта би можела да се качи на 100 долари за барел догодина, зашто испораката на нафта од Иран и Венецуела најверојатно ќе направи притисок врз светскиот енергетски пазар.

Цената на нафтата од типот „брент“, која се движи околу 77 долари за барел, ќе достигне цена од 90 долари за барел во 2019. година поради намалување на светските залихи.

Цената на „црното злато“ би можела да порасне уште повеќе, бидејќи договорот меѓу Организацијата на земји извозници на нафта (ОПЕК) и другите главни произведувачи, како Русија, за ограничување на производството и понатмау помагаат во намалување на светските понуди.

Влошувањето на ситуацијата во Иран може да ја качи цената на 100 долари, односно на ниво кое не е видено уште од 2014. година.

Иран, наводно, произведува четири проценти од вкупните светски залихи и има дневно производство од 3,8 милиони барели.

Аналитичарите очекуваат ОПЕК и Русија да ги намалат количините кои ги држат подалеку од пазарот. Меѓутоа, доколку не се повлечат од сегашниот договор, ситуацијата на пазарот ќе стане лоша и цената ќе се зголеми