Речиси целото раководство на ДУИ вчера преку социјалните мрежи го прослави објавувањето на Законот за јазиците, т.е двојазичноста официјално и во Службен весник на Република Македонија.
Тоа значи дека Македонија доби втор службен јазик, а тоа е албанскиот, а оваа „победа“ на ДУИ ја прославија речиси целото раководство.
Честитки за Законот за јазици упатија Али Ахмети, вецепремиерот Османи, пратеникот Артан Груби, министерот за економија Крешник Бектеши, како и вицепремиерот Хазби Лика.
– Ветивме, остваруваме, напиша Ахмети.
– Интаграција во НАТО и ЕУ, ветено сторено, јазичната рамноправност, ветено сторено, системски реформи, ветено сторено, напиша Груби.
Бујар Османи пак, напиша „Каков почеток на годината горд сум што сум соработник на Ахмети“.
– Употребата на албанскиот јазик од нашите домови отсега и во институциите и пошироко. Честитки сонародници законот за јазиците влегува во сила, напиша Хазби Лика.