– Рускиот енергетски гигант „Газпром“ соопшти дека потпишал протокол со Владата на Турција за изградба на копнената траса од гасоводот „Турски поток“.
Во соопштението се посочува дека вчера потпишаниот протокол претставува основа за почеток на изградбата на копнената фаза од гасоводот на турска територија.
Преку гасоводот „Турски поток“, кој се појави како алтернатива по пропаѓањето на проектот „Јужен поток“, треба да дистрибуира гас за потрошувачите во Турција, со можност за негово продолжување и кон останатите балкански земји. „Турски поток“ треба да почнува од источниот брег на Црното Море по морското дно до северозападна Турција, а потоа да продолжува по копнен пат. Анкара досега го одлагеша издавањето одзвола за градба на конената траса од гасоводот, поради спорот околку цената на рускиот гас дистирбуиран за Турција. Соопштението на „Газпром“ следи откако вчера турскиот претседател Реџеп Тајип Ердоган објави дека Анкара и Москва постигнале договор за корекција во цената на дистрибуираниот руски гас за 2015 и 2016 година, со што Русија на Турција ќе и врати една милијарда долари.
„Газпром“ и Турција потпишаа протокол за изградба на копнената траса од „Турски поток“
