Финансии 17.07.2024 13:53

Инвестициските фондови во јуни со позитива од 17,1 милион евра

Инвестициските фондови во јуни со позитива од 17,1 милион евра

Oтворените инвестициски фондови на последниот ден од јуни достигнале нето-вредност од 17,8 милјарди денари, односно 290 милиони евра. Во споредба со состојбата од мај, забележано е месечно зголемување од 7,21 процент, покажуваат податоците од јунскиот извештај на Комисијата за хартии од вредност.

Во текот на шестиот месец од годинава во инвестициски фондови е остварен прилив од 35,6 милиони евра. Тоа значи дека мајското ниво од 24,4 милиони евра е надминато за 46,04 насто.

Исто така, раст има и на страната кај одливите. Станува збор за солидно зголемување од 102,84 проценти и за износ од 18,5 милиони евра.

Во тие рамки и позитивниот исход од 17,1 милион евра, која ја претставува разликата меѓу приходите и трошоците што во јуни ги имале инвестициските фондови во државата.

Поврзани вести

Нема поврзани вести

Останати вести од Финансии

Министерството за финансии денеска од централниот Буџет до Рзвојната банка ја префрли првата транша од 10,4 милиони евра средства наменети за поддршка на домашните компании. Трансферот беше реализиран по доставено барање на Развојната банка за повлекување на средствата, а по одобрување на проектите од страна на деловните банки. Имено, во Буџетот за 2025 година се планирани 250 милиони евра средства за поддршка на домашните компании со кои ќе се поттикне реализација на нов инвестициски циклус во приватниот сектор, којшто ќе влијае на поттикнување на економската активност. „Очекуваме компаниите да ги препознаат поволните услови кои ги обезбедивме со оваа кредитна линија и планираните средства да се искористат во целост. Тоа ќе биде силен поттик на домашната економија и поддршка особено имајќи ги предвид понеповолните услови во глобални рамки“, напиша министерката за финансии Гордана Димитриеска-Кочоска на својот ФБ профил. Таа додава дека Министерството за финансии и Владата остануваат посветени партнери на бизнис секторот.