Американскиот инвестициски фонд ККР ќе ја купи компанијата за медицински услуги Енвижн хелткеа
(Envision Healthcare Corp) за околу 5,57 милијарди долари.
ККР, кој е присутен и во регионот на Западен Балкан, ќе плати 46 долари по акција според договорот кој би
требало да биде склучен во четвртото тримесечие.
Вкупната цена ги опфаќа и долговите на компанијата.
Енвижн, со седиште во Нешвил, претходно најави дека ќе ги преиспита своите можности, а денеска
соопшти дека управниот одбор и финансиските советници ја разгледале продажбата и можноста за
самостојно делување. Притоа, оценето е дека договорот со ККР е најдобрата можност за максимизирање
на вредноста на акционерите.
Енвижн дава медицински услуги во одделенија за итна помош, анестезиологија и радиологија. Поседува
повеќе од 250 хируршки центри и болници.