Финансии 02.11.2018 23:57

Малите бизниси во Индија доаѓаат до кредит за 59 минути

Малите бизниси во Индија доаѓаат до кредит за 59 минути

Индискиот премиер, Нарендра Моди, иницираше програма за одобрување кредити до 10 милиони рупии (138.000 долари) за мали и средни бизниси во рок од 59 минути.

Според агенцијата „Ројтерс“, не се објавени инфомации за тоа кои банки се избрани за одобрување на „брзите кредити“.

„Додека зборуваме, некаде во земјата вашите браќа или сестри претприемачи подигнуваат кредит… Одобрен за само 59 минути. Замислете, само 59 минути“, рече Моди.

„Ројтерс“ информира дека оваа мерка е одговор на индиската Народна партија на Моди, на ветувањата што опозициската Конгресна партија претходно ги упати кон претприемачите.

Поврзани вести

Нема поврзани вести

Останати вести од Финансии

Министерството за финансии денеска од централниот Буџет до Рзвојната банка ја префрли првата транша од 10,4 милиони евра средства наменети за поддршка на домашните компании. Трансферот беше реализиран по доставено барање на Развојната банка за повлекување на средствата, а по одобрување на проектите од страна на деловните банки. Имено, во Буџетот за 2025 година се планирани 250 милиони евра средства за поддршка на домашните компании со кои ќе се поттикне реализација на нов инвестициски циклус во приватниот сектор, којшто ќе влијае на поттикнување на економската активност. „Очекуваме компаниите да ги препознаат поволните услови кои ги обезбедивме со оваа кредитна линија и планираните средства да се искористат во целост. Тоа ќе биде силен поттик на домашната економија и поддршка особено имајќи ги предвид понеповолните услови во глобални рамки“, напиша министерката за финансии Гордана Димитриеска-Кочоска на својот ФБ профил. Таа додава дека Министерството за финансии и Владата остануваат посветени партнери на бизнис секторот.

Топ вести

Најнови вести