Министерството за финансии денеска преку записи и обврзници на домашниот пазар ќе позајми нови 32,5 милиони евра. На страната на Министерството за финансии се објавени проспекти на 15 годишни државни обврзници без девизна клаузула во износ од 550.000.000 денари, 15 годишни државни обврзници со евро клаузула во износ од 350.000.000 денари, потоа 5 годишни државни обврзници без девизна клаузула од 500.000.000 денари, 3 годишни државни обврзници без девизна клаузула од 180.000.000 денари и 12 месечни државни записи без девизна клаузула во износ од 420.000.000 денари.
Според државните институции, Владата во изминативе 3 месеци, односно во вториот квартал, повторно го зголемила јавниот и државниот долг. Бројките велат дека , секој ден изминативе 3 месеци, јавниот долг се зголемувал за над половина милион евра или поточно 580.645 евра дневно, додека пак државниот долг се зголемува секој ден за 311.827 евра.
