Јапонскиот конгломерат за електроника „Panasonic“ објави дека очекува оперативниот профит да се зголеми за 11,7% во фискалната година која заврши во март 2018-та година, бидејќи продажбата на батерии за автомобили пораснала, пренесува „Ројтерс“.
„Panasonic“ го менува својот фокус од електроника од ниска ценовна потрошувачка, кон производи насочени на корпоративните клиенти, како што се автомобилските системи и батерии.
„Panasonic“, ексклузивениот снабдувач на батерии за масовниот електричен автомобил на „Tesla“ – „Model 3“, прогнозира добивка во износ од 425 милијарди јени (3,87 милијарди долари), од 380,54 милијарди јени за претходната година.
За споредба, 19 аналитичари анкетирани од „Thomson Reuters“ предвидоа 429,76 милијарди јени. Тоа е под целта на „Panasonic“ за 450 милијарди јени, која беше поставена пред три години, а причината е силниот јен која влијаеше на профитот во странство.
„Panasonic“ очекува профитот на нејзиниот бизнис со енергетските производи за автомобили, кој ја вклучува батеријата, да се зголеми повеќе од двојно, откако одложувањето на „Model 3“ изврши притисок врз профитот во минатата фискална година.
Претходно овој месец „Tesla“ вети дека ќе ја исполни својата производна цел на 5.000 модели на 3 автомобили неделно до крајот на јуни.
Во извештајот од оваа недела „Mizuho Securities“ оцени дека продажбата на батерии на „Panasonic“ на „Tesla“ се околу 100 до 110 милијарди јени за веќе постоечките возила и неколку десетици милијарди јени за автомобилите „Model 3“.
„Panasonic“ смета дека батериите се клучен дел од нивниот план за речиси двојно зголемување на приходите на нивниот автомобилски бизнис до 2,5 илјади милијарди јени во годината до март 2022-ра година.
За да се намали ризикот од тоа да зависи премногу од „Tesla“, „Panasonic“ се обединува со „Toyota Motor Corp.“, со која заедно развиваат батерии за електрични возила.