Многу луѓе ги подготвуваат брокулите така што ги варат. Меѓутоа, на тој начин се уништуваат сите вредни нутриенти на зеленчук, витамините од групата Б и витаминот Ц.
Дури и глукозинолатите, за кои научниците веруваат дека можат да се борат против канцерогените клетки, се разложуваат при варење во вода.
Многу подобар начин за подготвување на брокули е готвење на пареа. Не ви требаат дури ни посебни садови. Доволно е една помала чинија да ставите над тенџере со зовриена вода и да ја поклопите на неколку минути.
Исто така, брокулите можете да ги подготвите и во микробранова печка, така што тие ги зачуват сите лековити својства. Доволно е да наполните чинија со брокули, да додадете една лажица вода и да ги поклопите со друга чинија. Загрејте ја микробрановата неколку минути и уживајте!
Во една студија од ноември 2015 година, која ги проучувала различните методи на готвење на зеленчук, вклучувајќи ги и брокулите, се заклучува дека подготвувањето на пареа е најдобар начин да се зачуваат нивните нутриенти.