Централниот комитет на ВМРО-ДПМНЕ вечерва ќе одржи седница, на која се очекува да бидат потврдени одлуките од вчерашниот состанок на Извршниот комитет на партијата.
Централниот комитет е највисокиот одлучувачки орган на партијата помеѓу два конгреса, а седницата треба да почне околу 7:30 часот.
ВМРО-ДПМНЕ на вчерашниот состанок на ИК постави три барања- техничка влада со мандат од 100 дена според Пржинскиот модел, нов јавен обвинител и анкетна собраниска комисија за референдумот.
На состанокот беше истакнато дека партијата не го признава резултатот од референдумот, а договорот од Преспа го смета за политички мртов и празно слово на хартија.