Официјалните податоци од Народната банка на Кина (ПБОЦ) покажуваат дека златните резерви на земјата не се зголемени од 2016 година, кога Доналд Трамп беше избран за американски претседател. Нивното количество остана непроменето на 1.843 тони.
Кон крајот на јуни, ПБОЦ своите резерви скапоцен метал ги процени на 74,1 милијарди долари.
Сепак, аналитичарите изразија сомнеж дека Пекинг навистина престанал да собира злато. Тие тврдат дека потенцијалната трговска војна со САД и падот на цените на златото оваа година се причините што Кина го купува.
„Стратегискиот императив веројатно сè уште е во резервите тивко да се додава злато малку по малку“, изјави за Блумберг Филип Клапвијк, управен директор на „Увид во скапоцениот метал“. Експертот, кој речиси 30 години ги следи скапоцените метали, рече: „Причината да се поседува златото заради разновидно портфолио е уште поголема со оглед на прилично затегнатите односи со САД“.
Како еден од главните сопственици на злато, Кина агресивно трупаше резерви злато за да ја намали зависноста од американскиот долар, според експертот за благородни метали од сингапурскиот „Булион стар“ Ронан Манли. Во интервју за РТ тој рече дека кинеско-руските златни резерви заеднички би можеле да ја разнишаат доминацијата на САД во глобалната економија.
Кина долго време не откриваше зголемувања на златото. Во 2015 година, прв пат по шест години, ПБОЦ објави 57-процентен скок во резервите на 1.665 тони. Објавата се совпадна со усвојувањето построги правила во ММФ за девизните резерви и податоци за долговите, додека владата се залагаше јуанот да биде вклучен во кошницата на Специјалните права на извлекување. ММФ ја додаде кинеската валута во октомври 2016 година, последниот месец кога ПБОК објави дека ги зголемила резервите.