Лимузината на Ким Џонг Ун лидерот на Северна Кореја влезе во главниот град на Виетнам, Ханој, каде што ќе се одржи вториот состанок Ким-Трамп.
Ова ќе биде втор состанок на лидерот на Северна Кореја и американскиот претседател, осум месеци по нивниот прв самит, оценет како историски.
Патиштата поради Ким Џонг Ун се затворени, од границата со Кина се до Ханој, околу 170 километри, а војниците и полицијата се менуваа околу хотелот Мелиа каде Ким треба да престојува.
Голем број граѓани и претставници на медиумите стоеја зад барикадите во надеж дека ќе го видат лидерот на Северна Кореја.
Лидерот на Северна Кореја пристигна со група соработници, вклучувајќи ја и неговата помлада сестра.
CNN✔@CNN
North Korean leader Kim Jong Un has arrived in Vietnam ahead of his two day summit with President Trump in the capital Hanoi. @willripleyCNN is there, and says that all roads en route to Kim Jong Un’s hotel have been closed: https://cnn.it/2EfAyk8
Ким патувањето за Ханој го започна на 23 февруари со воз. Додека Доналд Трамп треба да пристигне попладне по локално време со познатиот американски претседателски авион.
Состанокот во Сингапур, нивната прва средба, е обележан со нејаснотии кои би требало да се отстранат на самитот во Ханој, кој ќе се одржи во среда и четврток.
Ким во јуни се обврза да „работи на целосна денуклеаризација на Корејскиот полуостров“. Но, недостаток на напредок во тој поглед укажува дека двајцата лидери само барале бомбастички наслови и краткорочни потези.
Американскиот претставник за Северна Кореја Стивен Бигун неодамна призна дека Пјонгјанг и Вашингтон „не се согласиле за значењето“ на денуклеаризацијата.