Ми претставува чест и задоволство на сите припадници на српската заедница во Република Македонија од мое лично име и од името на ВМРО-ДПМНЕ да им го честитам големиот празник Свети Сава и да Ви посакам здравје, мир, радост и благосостојба, вели претседателот на ВМРО-ДПМНЕ Христијан Мицкоски во честитка по повод празникот на српската етничка заедница во Република Македонија, Свети Сава.
-Одбележување на Свети Сава значи почитување на неговото дело и мисла како трајни вредности давајќи ни пример на сите кои живеат во овие простори. Со празнување на овој ден ние ги потврдуваме наште заложби за меѓусебно зближување и почитување. Со овој ден ние го негуваме меѓусебното почитување, учиме еден за друг и живееме еден со друг. Како одговорни и свесни граѓани на своите држави, но и како доследни припадници на своите народи, двете заедници даваат пример како треба да се гради довербата, стои во честитката и се додава:
„Денес реалноста е дека Србите од Македонија ја делат истата судбина како и останатите граѓани. Тежок живот, сиромаштија, обиди да се разединиме, притисоци. Безперспективноста и сиромаштијата силно ги разјадува темелите на нашето општество, ја ускратува иднината на многумина. Одземената иднина преставува трајна штета за сите. Затоа се потребни промени кои ќе донесат кохезија, иднина и сигурност. Заеднички да работиме во градењето на просперитетна иднина за сегашните и идните генерации, како и за напредок на просперитетна и достоинствена Република Македонија. Нека е честит големиот празник!“.