Учесниците на претстојниот исклучително значаен Самит за европската перпектива на Западен Балкан што ќе се одржи во Софија, ќе имат можност да се уверат во уникатноста и високиот квалитет на дел од најпознатите македонски врвни вина. Имено, винската листа на вечерата за добредојде, којашто ќе се одржи во предвечерието на Самитот што
почнува в среда, 17-ти мај, во главниот град на Бугарија, ќе ја сочинуваат четири македонски врвни вина произведени во винарската визба Тиквеш и во бутик-винарницата Домен Лепово. Од навистина широкото винско портфолио на Тиквеш и Домен Лепово, за оваа прилика, направен е избор на две бели вина: врвното тероар вино Барово и ексклузивното Шардоне од премиум брендот Домен Лепово и две црвени вина: Бела Вода и Домен Лепово Гранд Куве. За оваа специјална пригода, вината што ќе бидат послужени на Самитот имаат специјални, уникатни етикети. “Ова е голема чест за Тиквеш, но истовремено и огромна можност за промоција и јакнење на имиџот и репутацијата на Македонија како земја во која се произведуваат вина со висок квалитет, кои можат да им парираат и на најпознатите светски вински брендови“,велат од Тиквеш. Како специјален “зачин“ на вечерата ќе биде послужен и еден од најрепрезентативните примероци на надалеку познатата тиквешка жолта – специјалната лозова ракија VS на Тиквеш, којашто се прозведува
на посебен начин и одлежуваподолго во специјални дабови буриња.
На Самитот за европската перпектива на Западен Балкан на винската листа ќе има и дел од најпознатите врвни вина
