Актуелно 27.06.2018 16:10

Пензионерите формираа синдикат, ќе се залагаат за утврдување минимална пензија и стабилен пензиски фонд

Пензионерите формираа синдикат, ќе се залагаат за утврдување минимална пензија и стабилен пензиски фонд

– Пензионерите денеска се обединија во синдикат, чија цел е да стане репрезентативен социјален партнер којшто ќе се залага за подобар социјален статус на оваа категорија на граѓани и ќе биде вклучен во реформите на пензискиот систем.

Новото раководство, кое денеска беше избрано на Основачко собрание во Скопје, најави дека ќе се залага за подобрување на стандардот на пензионерите, за стабилен пензиски систем и за утврдување на минимална пензија по примерот на минималната плата.

– Ќе се бориме за подобрување на стандарот на сите пензионери, особено на социјално загрозените пензионери. Ако постои минимална плата, зошто да не постои минимална пензија. Целта е подобрување на економскиот стандард на пензионерите, подобрување на пензиско инвалидското осигурување. Ќе настојуваме и што поголем број пензионери да имаат пристап до здравствено осигурување, изјави новоизбраниот претседател на синдикатот Маријан Спасовски.

Во однос на тоа колку би изнесувала висината на минималната пензија, Спасовски рече дека прво треба да се направат анализи по што ќе ја информираат јавноста.

Синдикатот на пензионерите ќе функционира во рамки на Конфедерацијата на слободни синдикати од каде истакнуваат дека формирањето на вакви синдикати е пракса во сите европски држави и во регионот.

Најнови вести