Зоран Заев продолжува да ја срами Република Македонија каде што ќе стигне ризикувајќи да ги влоши односите кои ги имаме со меѓународните партнери, реагираат од ВМРО-ДПМНЕ.
-Не може нашите пријатели од ЕУ да се виновни за криминалот и корупцијата на најнеспособната влада до сега. Аболицираниот Зоран Заев е најодговорен затоа што Македонија има неуспешна економија, тоне во корупција и заостанува во сите реформи. Зоран Заев е најодговорниот затоа што имаме селективна правда и политички нарачани процеси. ВМРО ДПМНЕ смета дека Македонија и граѓаните не смеат да бидат казнети заради неспособноста на Зоран Заев со недоделување на датум за преговори, се наведува во реакцијата.
Од ВМРО-ДПМНЕ порачуваат дека Република Македонија доби 10 позитивни препораки и заслужува да ги почне преговорите за членство во ЕУ.
-Зоран Заев ќе загуби на следните избори без разлика кога тие ќе се одржат, а на место на криминалната, неодговорна, неспособна и расипничка влада ќе дојде ВМРО ДПМНЕ и влада која што ќе ги спроведе реформите, ќе ја крене економијата и ќе го подобри стандардот на граѓаните. Единствено што може Зоран Заев да направи за граѓаните е да си поднесе неотповиклива оставка и да ги спаси од агонијата во која што ги втурна овие две години, се наведува во соопштението на ВМРО-ДПМНЕ.