Цела година нема абер ни од Југохром, ни од автопат до Штип

Владата предводена од Премиерот Зоран Заев се соочува со мошне слаба реализиација на проектите кои ги ветуваше пред граѓаните. Пред речиси една година Зоран Заев на дуелот со лидерот на опозицијата одржан во мај месец 2018 година, ветуваше дека до крајот на 2018 година граѓаните треба да очекуваат рестартирање на Југохром, но и отворање на автопатската делница Миладиновци Штип.

-До крајот на годината очекуваме да се заврши Миладиновци-Штип,тоа е исто така многу важна делница- изјави Зоран Заев на дебатата, а веќе половина година сеуште од необјасниви причини почетокот на оваа автопатска делница се одложува.

-Се надевам дека јули, август, септември ќе проработи и Југохром- е дополнително ветување кое речиси една година доцни со реализација, од чија работа егзистираат илјада семејство во општина Јегуновце и поширокиот тетовски регион.