Претседателот на ВМРО-ДПМНЕ Христијан Мицкоски денеска оствари повеќе билатерални средби со директорот на ИРИ за Европа, Пол Мекарти, регионалниот директор на НДИ, Роберт Бенџамин како и со рускиот амбасадор Сергеј Баздникин.
-Денеска остварив повеќе билатерални средби, со директорот на ИРИ за Европа, Пол Мекарти, регионалниот директор на НДИ, Роберт Бенџамин како и со рускиот амбасадор Сергеј Баздникин.
Теми на средбите беа актуелните политички случувања во државата, претстојните предвремени парламентарни избори и македонската евроатлантска перспектива.
Потенцирав дека интеграцијата на Република Македонија во НАТО и во Европската Унија е клучна стратешка определба на партијата, но и на државата.
Посочив дека по преземањето на власта, ВМРО-ДПМНЕ ќе работи на суштински реформи на полето на правосудство, образованието, здравството и закрепнување на економијата, со цел доближување на нашата држава до европските стандарди кон кои се стреми.
Истакнав дека реформите во правосудството се од исклучителна важност и мора да се стави крај на криминалот и корупцијата кои се рак рана на македонското општество, а се синоним за владеењето на актуелната власт предводена од СДСМ, стои во неговиот пост на Фејсбук.